പച്ചക്കറിയ്ക്കും പൂന്തോട്ട കൃഷിയ്ക്കുമുള്ള ഉണക്കിപ്പൊടിച്ച ചാണകം മണ്ണുത്തി വെറ്ററിനറി കോളേജിലെ യൂണിവേഴ്‌സിറ്റി ലൈവ്‌സ്റ്റോക്ക് ഫാമില്‍ നിന്നും വില്‍പനയ്ക്ക്  ലഭിക്കും. കൂടുതല്‍ വിവരങ്ങള്‍ക്ക് 0487 - 2370302 എന്ന നമ്പറില്‍ ബന്ധപ്പെടണം..

 

മഴക്കാലത്ത് കറവപ്പശുക്കളില്‍ കൂടുതലായി കണ്ടുവരുന്ന അകിടുവീക്കത്തെ നിയന്ത്രിക്കാനായി ഇനിപ്പറയുന്ന കാര്യങ്ങളില്‍ പ്രത്യേകം ശ്രദ്ധിക്കണം.

• കറവപ്പശുവിന്റെ ആരോഗ്യം, തൊഴുത്തിലെ ശുചിത്വം, കറവക്കാരന്റെ ശുചിത്വ ബോധം എന്നിവ പ്രത്യേകം വിലയിരുത്തണം.
• തൊഴുത്തിന്റെ നിലം കോണ്‍ക്രീറ്റ് ചെയ്തിരിക്കണം.
• വളക്കുഴിയിലൂടെയുള്ള രോഗാണുബാധ നിയന്ത്രിക്കാനായി ആഴ്ചതോറും ഇടവിട്ട് വളക്കുഴിയില്‍ കുമ്മായം വിതറണം.
• തൊഴുത്തില്‍ കുമ്മായം, ബ്ലീച്ചിംഗ് പൗഡര്‍ എന്നിവയിലേതെങ്കിലുമൊന്ന് വിതറി, കഴുകി രോഗാണു വിമുക്തമാക്കണം.
• ശാസ്ത്രീയ കറവ രീതികള്‍ അനുവര്‍ത്തിക്കണം. ഒരിക്കലും മുലക്കാമ്പ് മടക്കി പിഴിയരുത്. കറവയ്ക്ക്‌ശേഷം മുലക്കാമ്പുകള്‍ നേര്‍പ്പിച്ച പോവിഡോണ്‍  അയഡിന്‍ ലായനിയില്‍ മുക്കുന്നത് അകിടിലേക്കുള്ള രോഗാണുബാധ നിയന്ത്രിക്കാന്‍ സഹായിക്കും.
• അകിടിലുണ്ടാകുന്ന എത്ര നിസ്സാരമായ മുറിവുകളും വ്രണങ്ങളും ചികിത്സിപ്പിക്കണം. അടുത്ത പ്രസവത്തിന് മുമ്പായി കറവവറ്റിച്ച് മുലക്കാമ്പില്‍ മൂന്നാഴ്ച ഇടവിട്ട് ആന്റിബയോട്ടിക്ക് മരുന്നുകള്‍ കയറ്റി തടയുന്നത് പ്രസവാനന്തരമുള്ള അകിടുവീക്കം നിയന്ത്രിക്കാന്‍ സഹായിക്കും.
   

മഴക്കാലത്ത് കറവപ്പശുക്കളില്‍ അകിടുവീക്കം കൂടുതലായി കണ്ടു വരുന്നു. രോഗനിയന്ത്രണത്തിനായി തൊഴുത്തും പരിസരവും അണുനാശക ലായനി തെളിച്ച് വൃത്തിയാക്കണം. ശാസ്ത്രീയ കറവരീതി അനുവര്‍ത്തിക്കണം. കറവക്കു ശേഷം മുലക്കാമ്പുകള്‍ നേര്‍പ്പിച്ച ‘പോവിഡോണ്‍ അയഡിന്‍’ ലായനിയില്‍ 10 സെക്കന്റ് നേരം മുക്കുന്നത്    അകിടുവീക്കം  നിയന്ത്രിക്കാന്‍ സഹായിക്കും. ഇത് ടീറ്റ് ഡിപ്പിംഗ് എന്ന പേരില്‍ അറിയപ്പെടുന്നു.

ചെനയുള്ള പശുക്കളെ അടുത്ത പ്രസവത്തില്‍ 11/2 മാസം മുമ്പ് വരെ കറക്കാം. അവസാനത്തെ കറവയില്‍ മുഴുവന്‍  പാലും പിഴിഞ്ഞ് എടുത്ത് 4 മുലക്കാമ്പുകളിലും ആന്റിബയോട്ടിക് മരുന്നുകള്‍ അടങ്ങിയ ട്യൂബുകള്‍ ഇട്ട്  3 ആഴ്ച ഇടവിട്ട് തടവുന്നത് പ്രസവാനന്തരമുള്ള രൂക്ഷമായ അകിടുവീക്കം നിയന്ത്രിക്കാന്‍ സഹായിക്കും. ഇത് വറ്റുകാല ചികിത്സ എന്ന പേരിലറിയപ്പെടുന്നു.

 

മഴക്കാലത്ത് പച്ചപ്പുല്ല് യഥേഷ്ടം ലഭിക്കുന്നതിനാല്‍ കറവപ്പശുക്കളുടെ   പാലുല്പാദന ചിലവ് ഗണ്യമായി കുറയ്ക്കാം. എന്നാല്‍ കൂടിയ അളവില്‍ പച്ചപ്പുല്ല് നല്‍കുന്നത് വയറു പെരുപ്പത്തിനും, ദഹനക്കേടിനും ഇടവരുത്തുന്നതാണ്.  കറപ്പശുവിന് കൊടുക്കുന്ന തീറ്റപ്പുല്ലിലെ മണ്ണിന്റെ അംശം നീക്കം ചെയ്യാന്‍ നന്നായി കഴുകി ചെറുതായി വെയിലത്ത് ഉണക്കി നല്‍കേണ്ടതാണ്. പച്ചപ്പുല്ലിനൊപ്പം ചെറുതായി വൈക്കോല്‍ ചേര്‍ത്തു നല്‍കുന്നത് വയര്‍ പെരുപ്പം ഒഴിവാക്കാന്‍ സഹായിക്കും. 1 കിലോ സമീകൃതകാലിത്തീറ്റയ്ക്ക് പകരമായ് 10 കിലോ പച്ചപ്പുല്ല് നല്‍കാവുന്നതാണ്.

 

വെറ്ററിനറി  സര്‍വ്വകലാശാല അനിമല്‍ ഹാന്റ്‌ലിംഗ്, ലൈവ് സ്റ്റോക്ക്  പ്രൊഡക്ഷന്‍ എന്നിവയില്‍ 6 മാസത്തെ സര്‍ട്ടിഫിക്കേറ്റ് കോഴ്‌സിന് അപേക്ഷ ക്ഷണിച്ചു.  സര്‍ക്കാര്‍ ഫാമുകളില്‍ ഭാവിയില്‍ പ്രായോഗിക പരിശീലനം നേടിയവരെ നിയമിക്കുവാനും, വാണിജ്യാടിസ്ഥാനത്തില്‍ രാജ്യത്ത് സ്വകാര്യ ഫാമുകള്‍ വര്‍ദ്ധിച്ചു വരുന്നതിനാലും ഈ കോഴ്‌സിന് തൊഴില്‍ സാധ്യതകള്‍ ഏറെയുണ്ട്. കോഴ്‌സ് പൂര്‍ത്തിയാക്കുന്നവര്‍ക്ക് സ്വന്തമായി ഫാമുകള്‍ തുടങ്ങാവുന്നതാണ്. 7-ാം ക്ലാസ്സ് പാസ്സായവര്‍ക്ക്  ഈ കോഴ്‌സുകള്‍ക്ക് അപേക്ഷിക്കാം. പ്രായപരിധി 18-30 വയസ്സ് വരെ. പ്രവേശന പരീക്ഷയുടേയും മൃഗപരിപാലനത്തിലുള്ള മുന്‍കാല പരിജ്ഞാനത്തിന്റേയും അടിസ്ഥാനത്തിലാണ് വിദ്യാര്‍ത്ഥികളെ തിരഞ്ഞെടുക്കുന്നത്. സര്‍വ്വകലാശാലയുടെ പൂക്കോട്, മണ്ണുത്തി കാമ്പസുകളിലായി നടത്തുന്ന സര്‍ട്ടിഫിക്കേറ്റ് കോഴ്‌സിന്  ഓരോ ബാച്ചിലും 32 വീതം സീറ്റുകളുണ്ട്. 8000/-  രൂപയാണ്. അനിമല്‍ ഹാന്റലിംഗ് ഫീസ്. ലൈവ്‌സ്റ്റോക്ക് പ്രൊഡക്ഷന്‍ കോഴ്‌സിന്  6500/-  രൂപയാണ് മൊത്തഫീസ്.

അപേക്ഷ ഫീസിനായി ജനറല്‍ വിഭാഗക്കാര്‍ വെറ്ററിനറി സര്‍വ്വകലാശാല ഫിനാന്‍ഷ്യല്‍ ഓഫീസര്‍ SBT കല്‍പ്പറ്റ  ബ്രാഞ്ചില്‍  മാറാവുന്ന 200 രൂപയുടെ DD യും  പട്ടികജാതി പട്ടികവര്‍ഗ്ഗത്തില്‍പ്പെട്ടവര്‍ 100 രൂപയുടെ DD യും അപേക്ഷയോടൊപ്പം അയക്കേണ്ടതാണ്. അപേക്ഷാഫോമും, കൂടുതല്‍ വിവരങ്ങളും  സര്‍വ്വകലാശാല വെബ്‌സൈറ്റ് നിന്നും ലഭിക്കും. കൂടുതല്‍ വിവരങ്ങള്‍ക്ക് 9495062861, 9947659891 എന്നീ നമ്പറുകളില്‍ ബന്ധപ്പെടാവുന്നതാണ്.