കേരളത്തിൽ സ്വയംതൊഴിൽ ,ഉപതൊഴിൽ മേഖലയിൽ ഏറെ സാധ്യതകളുള്ള മൃഗസംരക്ഷണ മേഖലയിലെ പുത്തൻ അറിവുകൾ കർഷകരിലെത്തിക്കാൻ വെറ്ററിനറി സർവ്വകലാശാല ആരംഭിക്കുന്ന മലയാളത്തിലുള്ള ഫാം പോർട്ടൽ, വെബ് ചാനൽ, വെബ് റേഡിയോ എന്നിവ ഈ മേഖലയുടെ വളർച്ചയ്ക്ക് ഏറെ സഹായകരമാകും. സംസ്ഥാന ഗവൺമെന്റിന്റെ പദ്ധതികളും, വികസന പരിപാടികളും കർഷകരിലെത്തിയ്ക്കുവാനും ഇത് ഉപകരിക്കും. ഗൾഫ് മലയാളികൾക്ക് നാട്ടിൽ തിരിച്ചെത്തിയാൽ മൃഗസംരക്ഷണ സംരംഭങ്ങളിലേർപ്പെടാനുള്ള മാർഗ്ഗദർശിയായും ഈ പുത്തൻ സംരംഭം  ഉപകരിക്കും. വെറ്ററിനറി സർവ്വകലാശാലയുടെ വിജ്ഞാന വ്യാപന പ്രവർത്തനങ്ങൾക്ക് എല്ലാവിധ ആശംസകളും നേരുന്നു.